Sokol Cikalleshi u largua nga Konyaspor ditën e djeshme pas plot 4 sezonesh.
Sulmuesi shqiptar u kthye në legjendë për skuadrën turke me të cilën shënoi 30 gola në 111 ndeshje.
Në Superiore shpresonin për një rikthim të tijin në Shqipëri me shumë skuadra që do ta pranonin me krahë të hapura në organikën e tyre. Por, 34-vjeçari e ka vendosur tashmë se cila do të jetë e ardhmja e tij.
Sokol Cikalleshi do të jetë pjesë e Tractor FC në elitën e futbollit të Iranit. Lajmin e konfirmojnë të gjitha mediet turke të cilët e bëjnë fakt të kryer firmosjen e kontratës së re teksa pritet vetëm zyrtarizimi nga klubi.
Kjo do të jetë aventura e dytë e Cikalleshit në Lindjen e Mesme dhe kontinentin aziatik pas asaj 1-vjeçare me Al-Khaleej në Arabinë Saudite.
