Një shqetësim në “Tendinën e Akilit” gjatë testeve mjekësore ka bërë që transferimi i Armando Brojës nga Çelsi drejt Ipsuiçit të mbetet pezull dhe ndoshta ka mundësi që të dështojë nëse “Blutë” nuk pranojnë që të ulin kërkesat e tyre.
“Panorama Sport” mëson se për momentin, Ipsuicci është tërhequr dhe nuk ka rënë dakord me pikat që Çelsi ka vendosur në kontratë në lidhje me kalimin e sulmuesit. Huazim për një sezon dhe blerje e detyruar për 30 milionë euro nëse Ipsuiçi qëndron në Premier Ligë edhe sezonin tjetër.
Ndërkohë tani palët janë në situatën që gjendja e Brojës për fat të keq nuk është 100% dhe ai ka një shqetësim në tendinë e cila ka bërë që Ipsuiçi të përfitojë dhe të kërkojë kushte të tjera dhe ndërkohë të shohë edhe opsione të tjera për sulmin. Pritet të shihet si do të jetë reagimi i Çelsit i cili po ashtu është në bisedime me Evertonin për Brojën.
KRISTI SEJATLLARI – PANORAMASPORT.AL
