Ka përfunduar java e dytë e “Abissnet Superiore”, që ka dhuruar emocione të shumta në rrjetin e Radio Televizionit Shqiptar.
Kampionët në fuqi të Egnatias, mposhtin Laçin në shtëpi 1-0 dhe pas këtij suksesi ngjiten të vetëm në krye të renditjes, me pikë të plota (6) pas 2 ndeshjeve të luajtura.
Klasikja e futbollit shqiptar, Vllaznia-Tirana dhuron spektakël dhe gola, por jo fitues. Mbyllet 2-2 në “Loro Boriçi” një ndeshje plot emocione. Partizani mposht Skënderbeun 2-1 në limitet e kohës së rregullt dhe merr futoren e parë sezonale në kampionat.
Bylisi mund 1-0 Dinamon në një ndeshje që ka gjithçka. Një fund dramatik në “Adush Muça”, pasi Dinamo humbet një penallti në kohën shtesë dhe më pas mallakastriotët shënojnë golin e fitores, duke siguruar tre pikët e para në këtë sezon të “Abissnet Superiore”.
Koha e keqe ndikon në praninë e tifozëve në “Elbasan Arena”, por nuk prish festën e verdhebluve, që mposhtin pastër 3-0 Teutën dhe marrin fitoren e parë në elitën e futbollit shqiptar (si AF Elbasani).