Merkato është futur në ditët e fundit të saj dhe në shtëpinë e Interit është një çështje që duhet zgjidhur. Lidhet me Hoakin Korrean.
Për momentin duket një mision i pamundur dhe i vështirë. Argjentinasi një herë duket larg projektit dhe një herë tjetër mund të rikthehet një opsion për sulmin e Interit.
Lojtari i di që është shumë larg në hierarkinë e Inzagit, por në skemën 3-5-2 mund të gjejë hapësira në vazhdimësi.
Sipas “Corriere Dello Sport”, kur kanë mbetur edhe 5 ditë nga “gongu” ende nuk është vendosur asgjë.
E sigurt është që nuk do të ketë një prishe të kontratës nga ana e klubit për futbollistin.
Në rast se nuk do të ketë një tjetër klub që paguan 3,5 milionë euro rrogë për argjentinasin, atëherë ai do të qëndrojë tek Interi si sulmues i pestë, deri në janar.
Nuk duhet të harrojmë që merkato në Arabi vazhdon edhe përtej gushtit.
Korrea mund të jetë një opsion për kampionatin, pasi ai do të qëndrojë jashtë listës së Championsit.
