Ish-mbrojtësi i Premier Ligës, Sol Bamba, ka vdekur në moshën 39-vjeçare pasi u sëmur para një ndeshjeje në Turqi.
Bamba, i cili dikur luante për Kardif dhe kapiten i Leeds United, ishte trajner në skuadrën turke Adanspor.
Në një deklaratë të klubit thuhej: “Trajneri ynë Souleymane Bamba, i cili u sëmur para ndeshjes kundër Manisa Football Club, u dërgua në Spitalin Universitar Manisa Celal Bayar dhe fatkeqësisht humbi betejën për jetën. Ngushëllimet tona familjes së tij dhe komunitetit tonë”.
Bamba u diagnostikua me limfomë Non-Hodgkin në 2021 ndërsa ishte në Kardif, por u shpall pa kancer pas një trajtimi kimioterapie dhe u kthye për të luajtur përsëri për Bluebirds dhe Middlesbrough.
Karriera e tij u zhvillua gjithashtu në Leister, Hibernian dhe Dunfermline, përveç 46 paraqitjeve ndërkombëtare për Bregun e Fildishtë.
