Trajneri i Real Madridit, Carlo Ancelotti, ka shprehur besimin e tij në mbështetjen e tifozëve për duelin e radhës ndaj Betisit, duke theksuar se skuadra është e motivuar për të treguar lojën më të mirë pas barazimit zhgënjyes me Las Palmas (1-1). Edhe pse të gjithë në ekip janë të vetëdijshëm se ka probleme të caktuara, trajneri është i bindur se ato do të zgjidhen me punë dhe përpjekje të përbashkëta.
“Besoj se tifozët do të na çojnë drejt fitores në duelin me Betis. Nuk do të jetë e lehtë, por besoj se do të përgjigjemi në mënyrën e duhur pas barazimit ndaj Las Palmas”, tha Ancelotti.
Ai thotë se është shumë më i përkushtuar për të përmirësuar aspektet e lojës së ekipit sesa avantazhi që ka Barcelona në fillim të sezonit të La Ligës.
“Ne nuk jemi të kënaqur me fillimin, as që kam nevojë ta shpjegoj këtë, por nuk jam shumë i shqetësuar për negativin në raport me Barcelonën. “Unë jam shumë më i shqetësuar për lojën e ekipit tim,” tha Ancelotti.
