Skuadra e Llapit ka njoftuar se gjendja e futbollistit Valmir Veliu pas dëmtimit të pësuar në ndeshjen me Prishtinën është stabile dhe jashtë rrezikut.
Kjo falë edhe intervenimit të shpejtë të stafit mjekësor.
Përplasja kokë më kokë mes tij dhe qendërmbrojtësit të Prishtinës, Ardi Ajdini, bëri që Veliu të pësoj çarje të arkadës me ç’rast futbollisti u desh të dërgohej me urgjencë drejt qendrës emergjente për mjekim të mëtutjeshëm.
“Veliu ka kaluar me sukses edhe këtë sfidë, ndërsa ne e presim të rikthehet edhe më i fortë që t’i ndihmoj ekipit drejt realizimit të objektivave”, thuhet në komunikatën e lëshuar nga Llapi.
