TIRANË- Trajneri i Kombëtares së Shqipërisë në konferencë për mediat ka shpjeguar arsyet se pse ka lënë jashtë grumbullimit portierin Etrit Berisha, në dy përballjet e Uefa Nations League kundër Ukrainës dhe Gjeorgjisë.
Ai tha se kjo nuk do të thotë se portieri e ka mbyllur aventurën e tij me kombëtaren, por për shkak se aktualisht është pa skuadër dhe nuk është në formën e tij më të mirë për të luajtur.
“Jo absolutisht jo. Berisha për momentin është pa një skuadër dhe nuk është në formën e tij më të mirë për të luajtur. Kjo është arsyeja e lënies jashtë të tij “, tha ai.
Ai theksoi se Kombëtarja e Shqiptarisë është e hapur për të gjithë futbollistët, por fillimisht ata duhet të tregojnë gatishmëri dhe lartësinë e duhur për t’i shërbyer ekipit.
“Ne duhet të japim shpirtin në fushë dhe duhet të provojmë për të fituar”, tha ai./ abcnews.al
