Milani pritet të refuzojë mikpritjen e finales së Ligës së Kampionëve 2027 brenda disa javësh.
Arsyeja është se stadiumi San Siro – i cili do të presë Lojërat Olimpike Dimërore në shkurt 2026 në Milano dhe Cortina d’Ampezzo, ka nevojë për një rindërtim serioz.
Arena është në pronësi të qytetit, Komuna e të cilit po kërkon furishëm para për të përmirësuar infrastrukturën.
Në vitin 2026, San Siro do të mbushë 100 vjeç. Pas Lojërave Olimpike Dimërore, stadiumi mund të rindërtohet seriozisht ose të shkatërrohet plotësisht. Milani dhe Interi, të cilët luajnë me qira në stadiumin komunal, deri më tani nuk kanë arritur të bien dakord me njëri-tjetrin dhe me Komunën për të ardhmen e San Siros.
Sa i përket finales së Ligës së Kampionëve 2027, qyteti dhe stadiumi do të shpallet në Pragë më 24 shtator.
/GazetaBlic Sport
