Ish-mesfushori i Gjermanisë, Toni Kroos, u ka kërkuar tifozëve që të mbështesin kombëtaren me gjithë zemër në ndeshjet e ardhshme.
“Unë kërkoj nga njerëzit që të mbështesin kombëtaren dhe të besojnë në të. Unë i njoh djemtë që luajnë në kombëtare, si futbollistë, por edhe si njerëz. Mendoj se ata meritojnë të mbështeten. Ne pamë në Kampionatin Evropian që lojtarët ndihen më mirë kur vendi i tyre është pas tyre”, tha Kroos, cituar nga Kicker.
Sipas futbollistit, në tre muajt e fundit kombëtarja gjermane ka arritur të ngrejë nivelin e saj dhe t’i bëjë tifozët krenarë për këtë. E udhëhequr nga Julian Nagelsmann, skuadra arriti në 1/4-finalen e Kampionatit Evropian vendas.
Në Euro 2024, Kroos luajti ndeshjen e tij të fundit në fanellën kombëtare, të cilën e veshi në 114 ndeshje për vendin e tij dhe shënoi 17 gola.
/GazetaBlic Sport
