Në Durrës u hap akademia e futbollit “Dyrrah City”, projekt i skuadrës angelze Manchester City, me ndihmën edhe të qeverisë shqiptare.
Kryebashkiakja e Durrësit, Emiriana Sako, tha gjatë fjalës së saj se kjo është një mundësi për të rinjtë.
Sako theksoi se akademia është krenari jo vetëm për Durrësin, por për gjithë Shqipërinë.
“Mu duk si një ëndërr, e para sepse kjo do të ishte një mundësi e artë për të rinjtë, të vegjlit, djemtë e qytetit të Durrësit, për të gjithë shqiptarët, por edhe sepse do të kishim mundësi që fëmijët tanë të trajnohen nga trajnerë kaq të përgatitur dhe elitarë të kësaj skuadre, me një emër shumë të rëndësishëmm në mbarë botën. Ka qenë një punë tepër intensive. Lajmi i mirë është që shkolla dhe akademia elitare, kantieri i saj kanë filluar nga puna prej pak ditësh. Për një kohë të shkurtër, trajnimet do të realizohen në këtë shkollë, në këtë akademi. Do të jetë një krenari jo vetëm për Durrësin, por për Shqipërinë dhe për gjithë Ballkanin Perëndimor”, theksoi ajo./abcnews.al