Portieri i Liverpool, Alisson ka kritikuar formatin e ri të Ligës së Kampionëve dhe beson se mirëqenia e lojtarëve po anashkalohet.
Numri i ndeshjeve para fazës eliminatore është rritur nga gjashtë në tetë, ndërsa faza kryesore do të zgjasë deri në fund të janarit, ndërsa sipas formatit të vjetër grupet përfunduan në fillim të dhjetorit.
Alisson këmbëngul se me një kalendar kaq të ngjeshur, shumë kërkesa u bëhen lojtarëve elitarë në nivel ndërkombëtar dhe klubesh.
“Për tifozët është e mahnitshme. Më shumë lojëra, më shumë ndeshje më të mëdha,” tha braziliani.
“Është gjithmonë një ide e mirë që ne lojtarët të shtojmë disa ndeshje në një kalendar që nuk është i zënë – e them me ironi! Askush nuk i pyet futbollistët se çfarë mendojnë për shtimin e më shumë lojërave, kështu që ndoshta mendimi ynë nuk ka rëndësi. Por të gjithë ata e dinë se çfarë mendojmë për të pasur më shumë takime”, tha portieri i Liverpool.
“Të gjithë janë të lodhur nga kjo. Por ne duhet të qëndrojmë të fokusuar në sfidën e madhe që kemi këtu,” shtoi Alison.
Kujtojmë se nesër nga ora 21:00 luhet super ndeshja Milan – Liverpool.
/GazetaBlic Sport
