Nuk ka fitues në “Elbasan Arena”, Elbasani dhe Egnatia e kanë mbyllur në barazim 0-0 sfidën mes tyre, e vlefshme për javën e 6-të të “Abissnet Superiore” dhe që erdhi për shikuesit në ekranin e RTSH Sport.
Një ndeshje e luftuar, me dyluftime të forta në mesfushë, me një barazpeshë në krijimin e mundësive për shënim në pjesën e parë. Në pjesën e dytë, verdheblutë treguan diçka më shumë në lojën e tyre, por u përballën me një Egnatia të kujdesshme.
90 minuta të luftuara, por që në fund kanë dhuruar një barazim 0-0. Egnatia është në vendine dytë në klasifikim në kuotën e 11 pikëve, ndërsa Elbasani në vendin e tretë me 9 pikë.
