Legjenda e United, Roy Keane kishte disa këshilla për trajnerin e Arsenal, Mikel Arteta. Sipas ish-mesfushorit, trajneri i “Topçinjve” gaboi kur sulmoi pas ndeshjes kryesorin Michael Oliver.
“Këto javë po shikojmë trajnerët të paraqiten përballë gazetarëve në fund të ndeshjeve duke akuzuar arbitrat. Thellë thellë ai është i kënaqur me pikën që mori në ‘Etihad’. Si trajner i Arsenal që je duhet që të tregosh më shumë klas. Kartoni i kuq ishte i merituar për Trossar dhe Arteta nuk duhet të kapet me kryesorin për atë episod. Arteta të marrë ilaçet dhe të vazhdojë jetën. Të ketë më shumë klas”, tha Kean për mikrofonët e “Sky Sports” pas ndeshjes të përfunduar në barazim mes City dhe Arsneal.
