Mediet franceze janë të bindura se “viktima” e radhës e Luis Enrikes do të jetë Xhixho Donaruma. Mësohet se trajnerit i është sosur durimi me portierin italian, i cili numëron plot 117 ndeshje me PSG që prej momentit kur u transferua në Paris.
Gabimet e bëra në ndeshjen me Arsenalin kanë bindur trajnerin spanjoll që të bënte ndryshimin e dëshiruar prej javësh.
Thuhet se në ndeshjen e radhës të PSG-së, atë përballë Nisës, mes shtyllave do të jetë Matvey Safonov.
25-vjeçari ka mbërritur në Paris këtë sezon pasi klubi i zotëruar nga fondi i Katarit i pagoi plot 20 milionë euro Krasnodarit.
Portieri rus ka mbrojtur këtë sezon në plot tri takime (dy herë në Ligue 1 dhe një herë në Champions) portën e PSG-së duke u paraqitur mjaft mirë.
Portieri i tretë i PSG-së është spanjolli Arnau Tenas (23 vjeç).
