Të shtunën, më 12 tetor në Leskovc do të zhvillohet përballjes në mes të Serbisë dhe Zvicrës e cila luhet në kuadër të Ligës së Kombeve.
Kjo ndeshje përherë është interesante dhe ngjallë emocione për shkak të futbollistëve shqiptarë që luajnë në kombëtaren helvetike.
E për lojën foli trajneri i Serbisë Dragan Stojkoviq, në një konferencë për media.
Ai e vlerësoi lart kapitenin e kombëtares zvicerane, Granit Xhakën.
Stojkoviq tha se Xhaka është një lojtar i madh.
“Zvicra ka ekip solid. Ka kontinuitet dhe është kompakte. I ka të gjitha që një ekip duhet t’i ketë. Ka lojtarë kualitativë. Xhaka është lojtar i madh dhe prej tij varet shumë loja e Zvicrës”, tha Stojkoviq.
“Piksi” foli edhe rreth incidenteve të mundshme gjatë kësaj ndeshje.
“Besoj se njerëzit e dinë të kaluarën dhe provokimet. Apeloj që ndeshja të jetë korrekte. Në mënyrën se si ekipet duhet të luajnë. Që sjelljet në tribuna dhe të tifozëve të jenë në nivel të lartë. Ato gjëra dueht të harrohen dhe të fokusohemi në futboll. Nuk frikësohem. Kjo është absolutisht absurde. Xhaka është lojtar i madh dhe e di këtë. Vërtetë e çmojë. Për shumë vjet shfaq nivel botëror. Mendoj se nuk do të ketë ndonjë problem”, deklaroi ai.
