Një skandal ndërkombëtar ka shpërthyer në Kupën e Kombeve të Afrikës, me futbollistët e Nigerisë që janë bërë viktima të një situate shumë të pakëndshme. Përfaqësuesja nigeriane, duhej të luante ndaj Libisë ndeshjen e saj në Kupën e Kombeve, pak ditë pasi kishte pritur në shtëpi këtë të fundit duke e mposhtur 1-0.
Por në vend që të udhëtonte drejt qytetit të Bengazit ku luhet ndeshja, avioni është kthyer dhe është detyruar të ulet në La Abraq, rreth 200 kilometra larg Bengazit. Atje, lojtarët nuk janë lejuar të dalin nga aeroporti dhe as të shkonin në hotel, duke kaluar gjithë natën në stola aeroport, pa ushqime dhe pa asnjë lloj ndihme nga vendasit.
Sipas asaj që raportohet në media, kjo ishte “hakmarrja” e libianëve të cilët pretendonin se ishin trajtuar keq në Nigeri, pasi kishte pasur një vonesë autobusi dhe në nisjen e avionit. Por Nigeria nuk ka pranuar kushte të tilla, sidomos yjet e kësaj skuadre si Bonifejs i Leverkusenit, Iheanaço, Lukman apo Trost Ekong. Ky i fundit, në rolin e kapitenit, ka marrë vendimin ekipi që të bojkotojë ndeshjen dhe kjo është mbështetur edhe nga Federata.
Futbollistët bënë të ditur se nuk do të pranonin më kushte të tilla në asnjë ndeshje dhe kanë nisur menjëherë kthimin drejt klubeve të tyre, duke zhytur në kaos Kupën e Kombeve të Afrikës ku Nigeria është zakonisht një nga protagonistet kryesore.
PANORAMASPORT.AL
