Pedri vazhdon të bëjë protagonistin te Barcelona. Mesfushori i blaugranave dhe kombëtares spanjolle ka dhuruar një tjetër recital, këtë herë kundër Seviljes.
Mes të tjerave, Pedri ka shënua dhe një nga 5 golat e fitores së Barcelonës, golin e dytë, atë më të bukurin. Në fund të ndeshjes ai foli për golin e tij, por edhe për kthimin në fusha të Gavit, i cilësuar si “zemra e Barcelonës”.
“Kjo ishte një fitore shumë e rëndësishme për ndeshjet e ardhshme. Më vjen keq për dëmtimin e Erik Garsias. Më duhej të luaja pak më mbrapa, por nuk e kam problem. Jam gati të luaj kudo ku vendos trajneri.
Trajneri na kërkoi të shfrytëzonim hapësirat dhe mendoj se e kemi bërë mirë. Na vjen pak keq që pësuam, megjithatë jemi të lumtur për fitoren e thellë. Gavi? Ai e meriton këtë moment. Ai është punëtor dhe një djalë i mrekullueshëm. Mund ta shihni që fansat e duan shumë”, tha Pedri.
PANORAMASPORT.AL
