Ardon Jashari nesër do të ketë mundësinë të tregojë vlerat e tij në një ndeshje të veçantë ndaj Milanit në “San Siro” në Ligën e Kampioneve. Klub Bryzh ku aktivizohet mbrojtësi shqiptar i cili përfaqëson Zvicrën në arenën ndërkombëtare, shpreson që të bëjë një mrekulli në fushën e gjigandëve italianë dhe vetë Jashari, në konferencën për mediat, theksoi se skuadra është e gjitha e fokusuar që të bëjë një ndeshje të mirë dhe të marrë rezultat.
“Është një ëndërr që bëhet realitet për mua, të gjithë ëndërrojnë të luajnë këtu, ndaj një skuadre të madhe. Jam i gatshëm për nesër. Shpresoj që të kem mundësinë nesër të tregoj aftësitë e mia.
Kemi bërë një ndeshje të madhe ndaj Dortmundit me shumë raste edhe për të fituar ndeshjen, por pastaj në fund rezultati nuk është pozitiv. Kemi treguar cilësitë tona të mëdha.
Okafor? Është një lojtar i madh, kam luajtur me të te Zvicra dhe jam me të vërtet i lumtur që luan për një skuadër të madhe. Ndonjë lojtar që më pëlqen në veçanti te Milani? Janë shumë lojtarë të fortë, por nesër mendojmë vetëm për veten”, tha Jashari.
PANORAMASPORT.AL