“Abissnet Superiore” vjen ditën e sotme me dy ndeshje në rrjetin e Radio Televizionit Shqiptar. Nis faza e dytë e kampionat dhe java e 10-të do të luhet e ndarë në dy ditë: të premten dhe të shtunën.
Në “Egnatia Arena” në orën 14:00 luhet një nga ndeshjet më interesante të kësaj jave. Egnatia dhe Dinamo, dy skuadra me pretendime të mëdha këtë sezon, do të masin forcat në një sfidë direkte, që do të transmetohet në RTSH Sport.
Në po të njëjtin orar në “Adush Muça”, Bylisi i vendit të fundit do të presë Teutën, një sfidë e rëndësishme për të dyja skuadrat, që do të transmetohet në RTSH 2.
