Lazio, Tottenham dhe Anderleht janë tre ekipet që udhëheqin me pikë të plota uefa europa ligen pas tre ndeshjeve të para. Italianët mundën Tventen në Holandë me rezultatin 2 me 0 duke u ngjitur në kuotën e 9 pikëve. Bardhekaltrit u ringritën shpejt pas humbjes në kampionat kundër juventusit.
Ata përfituan edhe nga dalja shumë shpejt me të kuq e Unerstall për të zotët e shtëpisë dhe nuk e patën të vështirë që të siguronin fitoren falë golave të Pedros dhe Isaksen. 9 pikë edhe për Tottenham të cilët mundën 1 me 0 në fushën e tyre Az Alkmar. Golin vendimtar për spursat e shënoi braziliani Richarlison me penallti në nisje të pjesës së dytë, ndërsa miqtë e mbyllën ndeshjen me 10 lojtarë. Surpriza e deritanishme është Anderlehti me tre fitore në tre takime.
Suksesi i fundit 2 me 0 ndaj Ludogorec falë golave të Edozi dhe Drajer. Në ndeshjet e tjera spikati barazimi në Turqi 1 me 1 mes Fenerbahce dhe Manchester United, teksa Murinjo luante kundër ish-skuadrës së tij, djajve të kuqë anglezë. Eriksen shënoi në pjesën e parë për Juniitid, ndërsa në të dytën barazoi El Nesiri për turqit. Murinjo nuk mund të mos ishte protagionist edhe në këtë sfidë, duke u ndeshkuar me karton të kuq nga gjyqtari i njohur francez Clement Turpen. E para fitore në Europa Ligë për Romën, e cila mundi 1 me 0 në fushën e vet Dinamo Kiev.
Miqtë u mposhtën pikërisht nga një ukrainas, sulmuesi i skuadrës italiane Dovbik i cili shënoi nga pika e bardhë e penalltisë. Sukses i madh për Beshiktash, skuadrën ku luajti titullar edhe sulmuesi i kombëtares shqiptare Ernest Muçi. Turqit fituan 1 me 0 në Francë kundër Lionit. Goli i suksesit u shënua nga Xhedson Fernandes në minutën e 71…Fitore jetike edhe për Porton 2 me 0 në fushën e vet kundët gjermanëve të Hofenhajm falë realzimeve të Xhalo dhe Omorodion.
E njëjta gjë vlen edhe për Atletik Bilbaon që u ngjit në kuotën e 7 pikëve në rënditje, pasi mundi në fushën e vet 1 me 0 Sllavian e Pragës. Golin e çmuar për basket e shënoi Niko Ulliams. Fitore e thellë dhe festë për Rangers të Nedim Bajramit 4 me 0 në shtëpi ndaj Steao Bukuresht. Bajrami luajti titular, por nuk shënoi në këtë ndeshje. Në sfidat e tjera spikati triumfi 3 me 0 i Ajaksin legjendar jashtë fushe Karabakun 3 me 0. Golat e Tejlor, Verghost dhe Akpom i dhanë mundësi Ajaksit të ngjitet në kuotën e 7 pikëve. Ndër rezultatet e tjera Olimpiakos mundi Malmo 1 me 0, Ajntraht Frabnkuftr fitoi me letonezët e RFS, ndërsa Sociedad mundi Makabi Tel Aviv. /vizionplus.tv
