Dështimi i dytë radhazi për Manchester City-n është sa i pazakontë aq edhe i pabesueshëm, Pep Guardiola ka rënë sërish. Pas eliminimit nga Carabao Cup nga Spurs, Citizens dështuan sërish sot në kampionat përballë Bournemouth (2-1), duke i rikthyer Liverpoolit vendin e parë në renditje.
Duke folur në BBC Match of the Day, Guardiola komentoi për rezultatin përfundimtar: “Ne e dinim se nuk mund të përballonim intensitetin. Ne folëm për këtë. Ishte një lojë e hapur. Patëm raste në fund, por e përgëzoj Bournemouth për fitoren. Ata janë shumë agresivë. Kishin 6-7 ditë për t’u përgatitur. Ata kanë fizik dhe shpejtësi, por duhet ti fitosh këto situata”.
“Ata kishin raste. Ederson bëri një pritje të mirë. Ne patëm momente vërtet të mira në fillimin e pjesës së dytë dhe pas kësaj ishte e vështirë për t’u tretur, sepse ishim mirë. Pas shënimit, ne patëm raste, por nuk ishim në gjendje të shënonim”.
Për dëmtimet dhe problemet e formës: “Është kështu. Kemi disa lojtarë me shumë minuta dhe shumë lojtarë pa minuta, kështu që bilanci është paksa i pakëndshëm. Ne luajtëm mirë kundër Spurs, por sot nuk arritëm për të menaxhuar intensitetin e tyre dhe kjo është arsyeja pse e humbëm ndeshjen”.
