Akademia e Barcelonës, “La Masia” është vendimtare në suksesin e katalanasve në këtë fillim lige. Angazhimi i trajnerit Hansi Flik ndaj të rinjve së bashku me cilësinë e tyre të madhe ndihmon për të kuptuar sukseset e Barçës në këto muaj të parë të sezonit.
Por puna e madhe stërvitore e klubit nuk reflektohet vetëm në numrin e lojtarëve të rinj në ekipin e parë katalanas, por edhe në futbollistët që luajnë në kampionate të tjerë të rëndësishëm dhe që janë të shpërndarë në mbarë botën, veçanërisht në Europë.
Disa orë pasi Lamin Jamal fitoi trofeun “Kopa” (Lojtari i ri më i mirë), Observatori i Futbollit CIES publikoi një studim dhe renditje në të cilën Barça u dallua midis klubeve dhe akademive të futbollit në mbarë botën sipas aftësisë së saj për të trajnuar lojtarë të nivelit të lartë.
Kështu, Barcelona zë vendin e parë nëse merren parasysh vetëm lojtarët aktualisht aktivë në pesë ligat më të mëdha europiane (La Liga, Premier, Serie A, Bundesliga dhe Ligue 1): ka 46, nga të cilët 12 janë në ekipin Flik. “La Masia” është përpara PSG-së (35) dhe Realit të Madridit (34).
PANORAMASPORT.AL
