Drita e Gjilanit fitoi 1-2 në fushën e Suharekës në kuadër të xhiros së 12-të të Superligës së Kosovës. Në fakt, vendasit e nisën shumë mirë ndeshjen duke gjetur golin të parët në minutën e 28-të, kur Mevlan Zeka shënoi për 1-0.
Pa u mbyllur pjesa e parë në skenë doli Salifu Ibrahim që shënoi për 1-1. Ky gol i bëri mirë Dritës, që nisi sulmet në pjesën e dytë. Albert Dabiqaj shënoi golin e epërsisë për 2-1 në minutën e 66-të të takimit.
Edhe pse dy skuadrat tentuan të shënonin deri në fund nuk ndryshoi rezultati.
Prishtina ka shënuar fitore ndaj Ferizajt me rezultat 1-0. Vendasit e nisën shumë mirë ndeshjen, ku kishin rast shumë të mirë me Albin Krasniqin, por gjuajtja e tij u ndal nga portieri.
Me të filluar pjesa e dytë, Jean Michel Cavalli bëri disa zëvendësime, që dolën të goditura.
Leotrim Kryeziu kaloi në epërsi skuadrën e Prishtinës kur shënoi për 1-0 në minutën e 61-të.
Ferizaj kishte mundësi me Sokol Kiqinën në minutën e 93-të, por ai fillimisht e qëlloi shtyllën, e pas topit të kthyer, gjuajti mbi portë.
Me këtë fitore Prishtina tani në 11 ndeshje të luajtura i ka 19 pikë, ndërsa Ferizaj mbetet në pozitën e tetë me 14 pikë.
