Ndeshjet e fundit të fazës në grupe të këtij edicioni në Ligën e Kombeve po afrojnë dhe të gjithë po bëhen gati për sfidat e nëntorit që do të përcaktojnë edhe ngjitjen e zbritjen në Liga të ndryshme, por edhe fazën play-off e play-out.
Situata më e veçantë padyshim është ajo e grupit të Shqipërisë, ku të gjithë skuadrat pjesëmarrëse kanë mundësi konkrete për të përfunduar në secilin pozicion në varësi të dy ndeshjeve të fundit.
Shqipëria do të ndeshet në dy sfidat e fundit me Çekinë dhe Ukrainën në “Air Albania” dhe pikërisht ukrainasit janë ata që kanë bërë publike listën e lojtarëve të grumbulluar nga trajneri Sergei Rebrov për duelet në fjalë. Aty bie në sy prania e shumë emrave të njohur si portierët Trubin e Lunin, por edhe Zinçenko i Arsenalit, Mudrik i Çelsit apo Dovbik i Romës.
LISTA
PORTIERË: Georgi Bushçan (Dinamo Kiev), Anatoli Trubin (Benfika), Andrij Lunin (Real Madrid).
MBROJTËS: Mikola Matvienko, Jukhim Konoplia, Valeri Bondar (Shakhtar Donjetck), Oleksandr Timçik (Dinamo Kiev), Vitali Mikolenko (Everton), Ilja Zabarnji (Bornmuth), Maksim Talovjerov (LASK LInz).
MESFUSHORË: Mikola Shaparenko, Volodimir Brazhko (Dinamo Kiev), Georgi Sudakov, Dmitro Kriskiv, Oleksandr Zubkov (Shakhtar Donjetck), Oleksij Hutsuljak, Oleksandr Nazarenko (Polisia), Ivan Kaljuzhni (Aleksandria), Mikhailo Mudrik (Çelsi), Viktor Tsigankov (Zhirona), Oleksandr Zinçenko (Arsenal), Jehor Jarmoljuk (Brentford).
SULMUES: Artem Dovbik (Roma), Roman Jaremçuk (Olimpiakos), Vladislav Vanat (Dinamo Kiev).
PANORAMASPORT.AL
