Mesfushori portugez Bernardo Silva ka qenë mjaft i zhgënjyer pas humbjes 1-4 që Manchester City pësoi dje në Champions Leaague në Lisbonë ndaj Sporting. Ai tha se skuadra është “në një vend të errët”.
“Edhe kur luajmë mirë, ne nuk arrijmë të shënojmë në rastet që krijojmë, ndërkohë që po pësojmë gola shumë lehtë.
Duhet të përmirësohemi shumë shpejt përndryshe do të jetë shumë e vështirë të rikthehemi nga këto humbje”, tha Bernardo Silva.
“Është e vështirë të gjesh arsye për atë që po ndodh me ne. Thjesht duket se ky ekip po shkon në rrugën e gabuar tani. Lojtarët tanë të dëmtuar duhet të kthehen sepse ne kemi nevojë për ta”, u shpreh më tej mesfushori portugez i City.
Në fund, Silva tha: “Është zhgënjyese të humbasësh kështu. Më duket se jemi në një vend të errët tani. Gjithçka duket se po shkon në rrugën e gabuar, por unë e di se skuadra ka mundësi për të ecur përpara”.
