Ernest Muçi është kthyer në një lider te skuadra e Beshiktash, ku në tre ndeshjet e fundit ka shënuar tre herë.
Pas sfidës së sotme me Malmon, ndeshje e vlefshme për Europa League, Muçi i cili shënoi dhe golin e parë të ndeshjes u shpreh mjaft i lumtur para mediave.
Ai tha se e rëndësishme është që skuadra po fiton dhe se do të japë gjithmonë maksimumin.
“Jam shumë i lumtur, kishim humbur dy ndeshjet tona të fundit. Tani bëmë një kthim të mirë te fitoret. Falënderoj tifozët, ne bëmë një reagim të mirë. Do të vazhdojmë në këtë rrugë. Golat që po shënoj? Ne punojmë për gjithçka. Unë jam i lumtur të ndihmoj ekipin tim, dua të vazhdoj kështu”, tha ai.
