Boston Celtics fituan 113-107 në fushën e Milwukaee, në një përballje mes dy ekipesh rivale në Konferencën e Lindjes. Tatum me 31 pikë e 12 rebound ishte lider për kampionët, që ngjiten në vendin e dytë, ndërsa 43 pikët e 13 rebound të Antetkounmpo mbetën për statistikë.
Skuadra e Golden State i bashkohet treshes kryesuese në Perëndim, pas fitores 127-116 në fushën e Oklahomës.
Stephen Curry me 36 pikë ishte shënuesi më i mirë i ndeshjes. Fiton edhe ekipi i Lakers, që mundi 123-103 Toronton, ndeshje ku për kalifornianët u dallua Austin Reaves me 27 pikë.
Fitore në sekondën e fundit për Miami, që mundi 95-094 Minnesota jashtë fushe. Tyler Herro ishte hero për ekipin nga Florida.
Skuadra e Denver, falë Nikola Jokic, që realizoi një “triple double” (37 pikë, 18 rebound, 15 asist), mundi 122-120 Dallas (Luka Doncic realizoi 43 pikë).
Rezultatet
Detroit – Houston 99-101
Milwakee – Boston 107-113
Indiana – New York 132-121
Orlando – Washington 121-94
Minnesota – Miami 94-95
Oklahoma – Golden State 116-127
Philadelphia – Charlotte 107-105
Denver – Dallas 122-120
Phoenix – Sacramento 118-127
Portland – Memphis 89-134
Lakers – Toronto 123-103
