Gjatë një interviste për emisionin “Canal Football Club”, Ibrahima Konate ka folur për periudhën e keqe në të cilën ndodhet Kilian Mbape.
Mbrojtësi i Liverpul lë të kuptohet se jeta është mjaft e vështirë për bashkëkombësin e tij te Real Madrid. “Mund të them pa frikë se Kilianit i kam zili vetëm talentin pasi jetën e tij nuk e dua. Emri i tij figuron në çdo edicion lajmesh. Çfarë do lloj gjëje që bën, emri i tij pasqyrohet kudo”, tha Ibrahima Konate për emicionin e transmetuar në “Canal+”.
Mbape nuk është grumbulluar nga Deshamps për ndeshjet e fundit të Nations League ku Franca do të përballet me Izraelin dhe Italinë.
