Alvaro Morata, një dilemë në aksin Milan-Spanjë. Sulmuesi i skuadrës kuqezi, pavarësisht problemeve të shfaqura, është thirrur në radhët e përfaqësueses së Spanjës dhe sigurisht që ka sjellë dhe reagimin e trajnerit Paulo Fonseca, i cili theksoi: “Nuk e di se si De la Fuente arriti ta thërriste atë, ata më thanë se duhet të qëndrojë jashtë fushës për dhjetë ditë”.
Kampionët në fuqi të Evropës, do të përballen me Danimarkën (15 nëntor) dhe Serbinë (18 nëntor) në dy ndeshje të vlefshme për Ligën e Kombeve.
Me përjashtim të çdo kthese, aty do të jetë edhe Morata, ndonëse ende mungon miratimi përfundimtar nga mjekët e kombëtares iberike, siç ka zbuluar vetë trajneri. “Ai po bën teste dhe po i kalon ato, – fjalët e trajnerit De la Fuente. Nëse nuk shfaqen probleme, ai do të mbetet me ne. Tani për tani gjithçka po shkon mirë”.
Megjithatë, Spanja do të duhet të bëjë pa Lamin Yamal, i cili po lufton me një problem në kyçin e këmbës që do ta mbajë atë larg fushës për disa javë.
