Përplasje mes tifozëve kundërshtarë dhe policisë në ndeshjen e kthimit të Kupës së Brazilit në Belo Horizonte, të cilën Flamengo e fitoi 1-0 përballë Atletico Mineiros (në fund të muajit, më datë 30 do të luajë edhe finalen e Libertadores, kundër Botafogos) pasi kishte fituar tashmë 3-1 në ndeshjen e parë në Maracanà.
Para ndeshjes ndodhën incident, veçanërisht mes policisë dhe grupeve të mëdha të tifozëve të cilët tentuan të hynin në stadiumin ‘Arena MRV’ edhe pse nuk kishin bileta.
Për të qetësuar situatën, oficerëve iu desh të përdornin sprey piper dhe gaz lotsjellës. Numri i të lënduarve nuk dihet, ndërsa ngjarja po hetohet. Brenda stadiumit ra një ‘shi’ i dendur objektesh në fushë, pasi Flamengo shënoi me Platën në minutën e 37-të dhe arbitrit iu desh të pezullonte ndeshjen për mbi shtatë minuta.
Një bombë letre përfundoi në fushë, duke plagosur në këmbë një fotograf, José Maria Nuremberg, 67 vjeç.
Ai ndodhet i shtruar në një spital në kryeqytetin ‘Mineira’. Në fund të ndeshjes, ish-lojtari i Interit, Gabigol, idhulli i tifozëve të Flamengos dhe shënuesi i dy golave në ndeshjen e parë, shpalli lamtumirën nga ky ekip.
