Mesfushori i Realit të Madrid, Xhud Bellingam e quajti një fitore të rëndësishme atë të Anglisë, e cila e riktheu kombëtaren në vendin e parë në grup dhe një hap larg rikthimit në Ligën A të Ligës së Kombeve.
“Ishte një fitore e rëndësishme. Djemtë që nuk ishin këtu bënë shumë, por ata që luajtën ishin të mahnitshëm. Unë jam vërtet krenar për djemtë. Do të kishte pasur një milion e një justifikime nëse nuk do të luanim mirë ose nuk e kalonim vijën, por djemtë dolën dhe e bënë punën e tyre kaq profesionalisht.
Ne jemi kthyer në krye të grupit, kështu që kthehemi aty ku na takon. Treguam formë të mirë në mbrojtje dhe treguam karakter. Stafi ndërtoi një plan loje i cili ishte i përsosur për këtë ndeshje. Ne po bënim gjëra me topin, pavarësisht nëse ato ishin të suksesshme apo jo.
Ne jemi një ekip i ri. Ne të gjithë po luajmë shumë mirë, sepse klubet tona kanë të gjithë lojtarë emocionues dhe duam të kemi topin për të qenë krijues. Kështu që është normale që do ta humbasim atë. Ishte e mahnitshme, sepse pavarësisht sa herë e humbëm topin, ne vazhduam ta provonim, çka ishte gjëja më e rëndësishme në fund, këmbëngulja”.
PANORAMASPORT.AL
