Angel Di María, 36-vjeçar argjentinas i Benfica-s, gjatë karrierës së tij futbollistike ka luajtur me Cristiano Ronaldon te Reali i Madridit, ku së bashku kanë fituar Campionsin, Ligën Spanjolle dhe Copa del Rey, dhe deri pak kohë më parë, para se të mbyllte karrierën me kombëtaren, me Lionel Messin ndau dhomën e zhveshjes në kombëtaren argjentinase, duke fituar disa trofe, përfshirë Kupën e Amerikës dhe Kupën e Botës.
I ftuar në programin Clank Media, Di María, bazuar në përvojën e tij, u sfidua të zgjidhte më të mirin mes portugezit dhe argjentinasit. Edhe pse kishte shumë komplimente për të dy, Di María nuk hezitoi në përgjigjen e tij: “Për mua, Messi dhe Cristiano janë dy lojtarët më të mirë në histori, por është e qartë se Messi nuk mund të krahasohet me asnjë lojtar”.
