Kosova e moshës deri në 19 vjeç ka arritur ditën e djeshme një fitore të madhe përballë Spanjës U-19 pasi i mposhti me shifrat 4-3.
Iberikët numëronin vetëm një humbje në pesë vitet e fundit në plot 37 ndeshje zyrtare të zhvilluara.
Për të bërë edhe më epike fitoren e dardanëve të vegjëll është edhe numri i golave të shënuar në këtë duel. Në dhjetë vitet e fundit Spanja e moshës deri në 19 vjeç ka pësuar vetëm në një ndeshje (përballë Francës në 2018) katër gola në 90’.
Kosova ndodhet në Grupin B të eliminatoreve të Europianit të moshave deri në 19 vjeç. Ky grup udhëhiqet nga Austria me 6 pikë ndërsa Kosova dhe Spanja mbajnë respektivisht vendin e dytë dhe të tretë me tri pikë secila. Në vendin e fundit ndodhen Ishujt Faroer me zero pikë.
