Li Karslej e mbylli eksperiencën e tij si trajner i Anglisë me një fitore të thellë 5-0 në “Uembli” përballë Islandës, duke arritur objektivin minimal, atë të kthimit në Ligën A. Por për trajnerin e U21 i cili ishte caktuar provizorisht në kreun e “tre luanëve”, tani ka ardhur koha e lamtumirës, për t’i bërë vend Tomas Tuhel cili do të jetë ai që do të drejtojë britanikët.
Pikërisht pas ndeshjes së fundit, Karslej ka lëshuar një paralajmërim për Tuhel, duke i bërë të qartë se nuk mund të gabonte sidomos para tifozëve në “Uembli”. Ai ka kujtuar ndeshjen e humbur përballë Greqisë që vuri në dyshim për një peridhë të gjatë kohe edhe nëse do të arrinte objektivin e ngjitjes.
“Ndonëse ne fituam 5 nga 6 ndeshjet”, mua mendja më shkon edhe një herë te ndeshja që duhej të kishim fituar në “Uembli”. Pankina bëhet padyshim një vend shumë i vetmuar kur nuk je duke fituar në “Uembli””, ishin fjalët e tij pas sfidës së sotme, si një paralajmërim për pasardhësin e tij.
PANORAMASPORT.AL
