Roma po kërkon një sulmues të ri për t’iu bashkuar Dovbyk në skuadër pasi Shomourodov nuk po performon siç pritej dhe mund të rrëmbejë një “xhevahir” të Realit të Madridit.
Sipas “Sport”, verdhekuqtë do të shfrytëzonin dëshirën e madrilenëve për të shitur Endrick, i cili erdhi verën e kaluar për 60 milionë euro (në realitet ai u ble në dhjetor 2022 kur ishte ende 16 vjeç dhe ishte në gjendje të zbarkonte vetëm në Evropë me mbushjen e moshës madhore), duke synuar një huazim të lojtarit në janar për të fituar më shumë përvojë pasi nuk po gjen shumë hapësirë në sulmin e mbipopulluar në dispozicion të Carlo Ancelottit.
Në gjashtë ndeshjet e fundit 18-vjeçari ka luajtur vetëm 15 minuta, janë dhjetë paraqitje në sezon me një kohë totale prej vetëm 122 minutash në të cilat, ish-lojtari i Palmeiras shënoi 2 gola dhe dha një asist duke dëshmuar për cilësitë e djalit.
Plani i Realit është i thjeshtë: të mos humbasë përgjithmonë Endrick-un dhe t’i japë atij mundësinë për të gjetur hapësira në një kampionat konkurrues, duke i dhënë Romës përforcimin që kërkon pa shpenzuar shumë.
