Administratori i deleguar i Bayernit të Mynihut, Jan-Christian Dreesen, ka folur për temat më të rëndësishme të ditëve të fundit, veçanërisht për kontratat e Musialas dhe Kimmichit, dy nga lojtarët më të rëndësishëm të skuadrës së drejtuar nga Vincent Kompany.
“Nuk dua të vendos një afat kohor. Gjëja më e rëndësishme është të arrijmë një marrëveshje, edhe nëse kjo nuk ndodh deri në fund të vitit,” tha ai për “Abendzeitung München” lidhur me të ardhmen e mesfushorit të ri.
Dreesen shpreson që “këto bisedime të para mes Max Eberl dhe Christoph Freund të çojnë drejt rinovimit të Jamal Musialas. Ai është një nga fytyrat e së ardhmes së Bayernit, bashkë me Pavlovicin dhe Joshua Kimmich. Këta lojtarë duhet të formësojnë të ardhmen e klubit tonë.”
Kontrata e Musialas skadon në verën e vitit 2026 dhe lojtari ka lënë të kuptohet se mund të marrë një vendim deri në dimër.
Situata është ndryshe për Kimmichin, i cili mund të lirohet në qershor:
“E kemi thënë tashmë publikisht se duam të fillojmë sa më shpejt negociatat për zgjatjen e kontratës. Do të dëshiroja që ai të vazhdonte të ishte një nga shtyllat kryesore të ekipit,” tha Dreesen.
Sa i përket transferimit të mundshëm të Florian Wirtz nga Bayer Leverkuseni, Dreesen tregoi kujdes:
“Gjithmonë duhet të jetë në interesin e Bayernit të ketë në skuadër lojtarët më të mirë gjermanë, por Bayerni duhet të sillet gjithmonë me përgjegjësi nga pikëpamja ekonomike.”
