Roberto Bordin, trajner i Elbasanit flet me qardhje për mungesën e fitores ndaj Tiranës. Sipas tij, verdheblutë meritonin të shënonin më shumë se një gol.
“Djeg barazimi, sepse skuadra bëri ndeshje të mirë përtej disa ndërrimeve të detyruara. Bëmë ndeshje shumë të mirë dhe meritonim të shënonim disa momente, 1-2 raste të kundërshtarit dhe pësuam, ne patëm situata dhe nuk arritëm të shënonim. Është paraqitje për t’u vlerësuar, meritonim diçka më shumë.
Është e vështirë për ta përgatitur se nuk kemi as numrin e duhur të lojtarëve për stërvitjen. Kishim disa lojtarë jo 100 për qind, por duhet të luanin, sidomos në mesfushë. Djemtë kanë bërë ndeshje shumë të mirë, me sakrificë. Lulaj ka luajtur me probleme.
Përshëndetja me tifozët e merituar, mund të fitonim, mungon goli por e rëndësishme të krijojmë raste. Sot meritonim të shënonim, duhet të jemi më cinikë dhe të shënojmë.
Është mëkat goli i Tiranës, se është ndeshje e mirë dhe kthehemi në shtëpi me barazim, përballë një publiku të tillë. Nuk mjafton të luajmë mirë, duhet fitorja për klubin dhe tifozët dhe vetë djemtë meritonin tri pikët.”
