Ardian Ismajli po shkëlqen me Empolin këtë sezon. Paraqitjen e radhës pozitive e pati në sfidën ndaj Udinezes në shtëpi, që përfundoi barazim 1-1.
Ismajli është vlerësuar me notën 7.6 nga “Sofascore”. Mbrojtësi i Empolit ishte ai që nisi aksionin e golit për skuadrën e tij, ndërsa vlerësimi që ka marrë është dhe më i larti te vendasit.
Ismajli ishte kapiteni i Empolit për të katërtën ndeshje radhazi në kampionat, pastroi 15 herë topin si dhe bllokoi dy goditje. Ndërkohë ndërpreu katër herë aksionet kundërshtare, teksa fitoi dhe 5 nga 7 duelet që pati.
PANORAMASPORT.AL
