Kristian Pulisiç ka shënuar 7 herë (25.92% e totalit të golave të Milanit) dhe në 22 të tjerat 4 erdhën me sugjerimin e tij dhe shtojmë edhe goditjen krosuese ndaj Kaljarit që më pas u dërgua në rrjetë nga Abrahami (22.72%).Të shtunën ndaj Juventusit u ndie shumë mungesa e tij dhe futja e tij në minutën e 70- të u duk e vonë. Në të gjitha këto, në 20 minutat e luajtura ai dha ndjesinë se mund të krijonte gjithmonë diçka, shumë më tepër se të pranishmit në fushë.
Dhe në Bratislavë shumë mund të varet nga performanca e tij. Amerikani është gati siç e ka dëshmuar në deklaratën e dhënë për “UEFA”-n. “Milani është një klub që synon gjithmonë të fitojë. Është diçka që perceptohet qartë në mjedis. Fitorja është një aspekt themelor.
Historia dhe stema e klubit mund të ndihen sapo vendos këmbë në fushë. Liga e Kampionëve është gjithmonë fokusi kryesor mes turneve në të cilat luhet. Duam të vazhdojmë të bëjmë mirë dhe t’i japim vetes mundësinë për të shkuar sa më larg në Champions”, tha Pulisiç.
PANORAMASPORT.AL
