Një Juventus në emergjencë, me vetëm 17 lojtarë në skuadër është gati të sfidojë Aston Villa në Champions League. Një ndeshje plot gracka, me trajnerin Thiago Motta që e di mirë vlerën e anglezëve dhe trajnerin e tyre Emery i cili tha se ishte gati të nënshkruante për një barazim. “Nuk e di çfarë tha, por është një bllof. Ne shkojmë në fushë të kujdesshëm dhe të përqendruar, të përulur në përballjen me një ekip të madh”.
Dhe për dëmtimet u shpreh i pabalancuar: “Nuk janë të rastësishme, por s’ka kuptim të bëhen polemika sot”.
Një koment për Ligën e re të Kampionëve – “Më pëlqen, ne përballemi me ekipe të ndryshme dhe mënyra se si punojmë është e ndryshme. Ne i përgatisim ndeshjet ndryshe dhe e kuptojmë nivelin tonë. Jemi të fokusuar të përballemi me një ekip të madh, por jemi të vendosur të bëjmë një paraqitje të mirë”.
