Ekipi U19 i 2 Korrikut të Prishtinës, ka pësuar humbje të thellë në ndeshjen e parë të raundit të tretë të UEFA Youth League.
Të mërkurën, në Poloni, skuadra kosovare pësoi nga Dynamo Kievi i Ukrainës me rezultatin 5:0.
Dy gola në pjesën e parë dhe tre të tjerë në të dytën, konfirmuan fitoren e ekipit nga Ukraina që edhe llogaritej favorit përball 2 Korrikut.
Ndeshja e kthimit mes këtyre dy skuadrave, luhet më 11 dhjetor në stadiumin “Fadil Vokrri” në Prishtinë, por vështirë se 2 Korriku do të mund ta shkrijë epërsinë e thellë të Dynamos nga ndeshja e parë.
2 Korriku, tashmë i ka kaluar me sukses dy raundet e para të kësaj gare, në të cilën po debuton këtë sezon.
Në raundin e parë, 2 Korriku ka eliminuar Bylisin e Shqipërisë, ndërsa në raundin e dytë ishte më i mirë se Dublini i Irlandës.
