Milani në janar do të afrojë një mesfushor dhe zgjedhja duket se është Lukas Gurna Duat i Salcburgut. 21-vjeçari është përparësia e klubit, ndërkohë që nën vëzhgim janë Uoren Bondo i Monzës dhe Reda Belaiane i Veronës.
Në fakt, klubi kuqezi kërkon edhe një mbrojtës të majtë si alternativë për Teo Hernandezin. Në audicion për rolin do të ishte edhe Xhuzepe Pecela, i lindur në 1997, që luan për Empolin dhe që do të jetë kundërshtari i kuqezinjve sot në mbrëmje në “San Siro” në kampionat.
Vëzhguesit e Milanit e njohin mirë këtë lojtari, i cili deri më tani këtë sezon ka bërë 13 paraqitje (+ 3 asiste). Në verën e vitit 2021, para se të kalonte te Atalanta si huazim nga Parma, në fakt “Djalli” e pati kërkuar, por më pas zgjedhja ra mbi Fode Balo-Turenë.
PANORAMASPORT.AL
