Legjenda e Hajdukut parandaloi një tragjedi!
Si e bëri këtë ai në ditën e djeshme?
Një lajm i pabesueshëm vjen nga Belgjika, ku thuhet se legjenda e Hajdukut nga Spliti, kroati Jerko Tipuriç, u bë një hero i vërtetë në Feldegem, ku parandaloi një tragjedi të madhe.
“Shoferi i autobusit është hero”: si ish-futbollisti profesionist u shpëton jetën 16 të rinjve në vetëm 3 minuta”, – ka shkruar media belge “hln.be”.
“Shoferi i autobusit Jerko Tipuriç (64 vjeç) – një ish-futbollist profesionist, ka zbritur nga autobusi.
Një tren me shpejtësi të madhe e ndau autobusin në dysh, pasi ai u prish në një vendkalim në Veldegem, Flandersin Perëndimor.
Pothuajse tre minuta më parë, ai shpëtoi jetën e gjashtëmbëdhjetë të rinjve që po shkonin në shkollë me autobusin e tij. “Ai bërtiti se ne duhej të dilnim sa më shpejt që të ishte e mundur]”, – thotë Matteo Lecluyse (15), një nga studentët.
Më pas pati fjalë të bukura nga kryetari i bashkisë.
“Falë reagimit të tij u shmang një tragjedi e madhe”, tha Zedelgema Anik Fermelen.
Tipuriç ka luajtur 228 ndeshje dhe shënoi 28 gola në karrierën e tij. Ai gjithashtu ka luajtur për Cercle Brugges dhe Beerschot, dhe më pas qëndroi në Belgjikë për të jetuar.
Duhet theksuar se Tipuriç (1985-1988) me Hajdukun ka luajtur kundër Prishtinës sa ishte në ligën e parë ish jugosllave, pastaj edhe një ndeshje ndaj Lirisë së Prizrenit në gusht të vitit 1988, ku Hajduku ishte eliminuar me penallti nga Liria e Prizrenit në kuadër të Kupës “Marshall Tito”.
Tipuriç ishte kapiten në këtë ndeshje dhe u nderua me një buqetë lule nga prizrenasit.
