Një gol i Vedat Muriqit nuk i ka mjaftuar Majorkës që të sigurojë pikë përballë Barcelonës të uritur për fitore pas hapave të gabuare radhazi në kampionat. Katalanasit kanë fituar me shifrat 5-1, meritë e një pjese të dytë për t’u vënë në kornizë që la pas dyshimet që ishin ngritur pas paraqitjeve të fundit.
Pa Levandovskin në formacion, u mendua fillimisht se ekipi katalanas do të vuante për finalizimin e aksioneve ndonëse gjeti shpejt avantazhin me Ferran Torres. Një gol i Muriqit që barazoi shifrat para fundit të pjesës së parë, bëri që të lindnin përsëri dyshime për forcën e ekipit të Flik.
Megjithatë, pjesa e dytë dhuroi një tablo krejtësisht të ndryshëm me Barcelonën që vazhdoi të prodhonte raste, por këtë herë duke i konkretizuar ato. Rafinja shënoi dy herë për katalanasit, në të dytin pas një asisti me “telekomandë” të Jamal të kthyer në formën më të mirë. De Jong dhe Pau Torres thelluan diferencën duke çuar shifrat në rezultatin 5-1 që i ktheu buzëqeshjen katalanasve pas tre ndeshjesh radhazi ku kishin arritur të siguronin në total vetëm 1 pikë .
MAJORKA-BARCELONA 1-5
43’ Muriqi / 12’ Ferran Torres, 56′ (p), 74′ Rafinja, 79′ De Jong, 84′ Pau Viktor
Goli i Ferran Torres (VIDEO)
Goli i Muriqit (VIDEO)
Goli i Rafinja (VIDEO)
Goli i dytë i Rafinja (VIDEO)
Goli i De Jong (VIDEO)
Goli i Pau Viktor (VIDEO)
PANORAMASPORT.AL
