Liga Unike e meshkujve, evenimenti i përbashkët i basketbollit me klube nga Shqipëria dhe Kosova do të nisë sot zyrtarisht edicionin 2024-2025 me ndeshjen ndërmjet Tiranës dhe Vllaznisë në orën 18:00 në sallën “Farie Hoti”.
Kompeticioni mbarëkombëtar do të hapet kështu me një përballje mes dy ekipeve të Shqipërisë, ndërsa nesër do të jetë një tjetër sfidë mes skuadrave të Superligës shqiptare, me Besëlidhjen që pret Teutën në “Asllan Rusi”.
Liga Unike këtë edicion vjen do të zhvillohet me tetë ekipe, katër nga Shqipëria dhe katër nga Kosova, të ndara në dy grupe, me ndeshjet që do të luhen me sistem vajtje-ardhje. Në fund të fazës së grupeve vendet e para dhe të dyta do të kualifikohen për në “Final 4”, fazë që këtë herë do të zhvillohet në Kosovë.
Në Grupin A bëjnë pjesë, Besëlidhja, Teuta, Bashkimi dhe Vëllaznimi, ndërsa në Grupin B janë Golden Eagle Ylli e Sigal Prishtina, Tirana dhe Vllaznia. Rezultatet e ndeshjet ndërmjet ekipeve të Kosovës do të llogariten nga duelet mes tyre në kampionatin vendës.
