Një huazim i shkëlqyer dhe me fitim të madh. Kështu mund të quhet kalimi i talentit Francisco Conceiçao te Juventusi.
Gazeta prestigjioze italiane “La Gazzetta dello Sport” raporton se Juventusi është bindur plotësisht për aftësitë e sulmuesit anësor dhe është gati ta blejë përfundimisht.
Në verë, djaloshi u huazua nga Porto për 7 milionë euro.
Për blerjen e tij përfundimtare duhen 30 milionë euro dhe Juventusi ka në plan t’i paguajë brenda merkatos së janarit.
Interesant është fakti se Juventusi nuk ka një klauzolë të shkruar në kontratën e lojtarit, por ka rënë dakord parimisht dhe Porto nuk do të shfaqë asnjë problem.
