Pep Guardiola u pyet për provokimin që bëri ndaj tifozëve të Liverpool-it, kur ngriti gjashtë gishta drejt tribunave (duke kujtuar titujt e fituar në Premier League) dhe për ngjashmërinë e gjestit me atë të José Mourinhos, kur ishte te Manchester United.
Trajneri spanjoll iu përgjigj me një nuancë provokimi, duke kujtuar se portugezi ka fituar vetëm tri kampionate angleze. Siç pritej, Mourinho nuk ia la pa përgjigje Guardiola-s.
Në konferencën për shtypin para ndeshjes mes Fenerbahces dhe Besiktasit në derbin e Stambollit, Mourinho, i dha një “thumb” spanjollit:
“Dua të fitoj, por dua të fitoj në mënyrë të pastër dhe të drejtë. Nëse nuk mund të fitoj kështu, preferoj të humbas. Guardiola tha diçka të tillë: ai ka fituar gjashtë trofe dhe unë kam fituar tre. Por unë kam fituar në mënyrë të drejtë dhe të pastër. Nëse humbas, dua të përgëzoj kundërshtarin tim që ka qenë më i mirë se unë. Nuk dua të fitoj me 150 padi.”
