Mançester Siti në mesjavë iu kthye fitoreve në kampionat dhe u duk se po jepte sinjalet se po dilte nga kriza. Por sot, skuadra e Pep Guardiolës ka pësuar një tjetër ndalesë që zbeh më shumë shanset për titullin kampion të “qytetarëve”.
Siti është ndalur në barazim në transfertë përballë Kristal Palas, në sfidën të cilën e mbylli për më tepër me 10 lojtarë. Munjoz i dha avantazhin vendasve, por Haland barazoi shifrat po në pjesën e parë të takimit.
Më pas ishte Lakrua që kaloi edhe një herë në avantazh Kristal Palas, por Ljuis përsëri vulosi një barazim që hapi ndeshjen. Megjithatë, vetë ky i fundit u ndëshkua me karton të kuq dhe bëri që ekipi i Guardiolës të mbetej me 10 futbollistë e të mos arrinte më të gjente golin e fitores, duke e mbyllur ndeshjen me shifrat 2-2, për të mbetur 8 pikë pas Liverpulit kryesues që ka luajtur një ndeshje më pak.
