Besa rikthehet te fitorja në javën e 15-të të Kategorisë së Parë. Ekipi kavajas ka mposhtur në transfertë Kastriotin me rezultatin 0-1. Një sukses shumë i rëndësishëm për ecurinë e verdhezinjëve sidomos në një fazë të tillë kampionati. Minutat e para nisën me shumë mundësi për gol, Oliveira dhe më pas Da Rocha krijuan rastet e para për Besën.
Në krahun tjetër, Kastrioti u përgjigj në minutën e pestë me Musajin, me Mehidrin i cili reagoi mirë. Goli për miqtë nuk do të vononte kur në mimnutën e 31-të Indio Oliveira do të shënonte pas topit të dhënë nga Spahiu.
Në pjesën e dytë, Kastrioti e rriti nivelin e lojës, ku sërish Musaji në minutën e 51’ do të tentotnte portën e Mehidrit, por sërish gardiani i Besës ishte i pakalueshëm. Terreni i rënduar më pas nuk lejoi skuadrat të zhvillonin një lojë atraktive, në një pakujdesi të kavajasve, Kastrioti do të fitonte 11-metërsh, pranë topit u shfaq Edmond Hoxha, i cili tregohet i pasaktë në duelin me Mehidrin.
Në fund, Besa merr një fitore me vuajtje dhe vijon të mos shkëputet nga kreu, ku distanca është vetëm 2 pikë larg.
Ndërkohë këto janë rezultatet dhe klasifikimi për javën e 15-të:
